10月07日星期二約好老友到九龍城南角道小曼谷食泰國菜
可惜大師兄突然話胃炎唔到...........!
19:15 左右到小曼谷泰國菜館, 嘩~好多人等位 , 

不過人流都好快, 等左約20分鐘就有位.

先來杯 ... 薏米冰, 椰汁涼粉冰

開飯啦

串燒 ... 味道一般, 勝在沙嗲汁夠香
(豬 x2、牛x2、雞x2、腎, 鮮魷魚、大香腸)

泰式炒蜆(花甲)... 蜆肉夠滑又入味, 生菜包....辣辣地好夠味

炸蝦餅 ... 卜卜脆好味!! 大大個似水泡, 好有蝦味

馬拉盞炒通菜 ... 好夠鑊氣

香草辣椒雞肉炒魚麵 ... 魚麵無魚味, 炒得都唔錯

蝦醬海鮮炒飯 ... 好惹味

無影相既 ...  酸辣雞腳 ... 一般

掛住食無影相既 ... 芒果糯米飯 ... 我至愛，所以好正

幾位師兄~~其實這幾位老友由中四相識到現在, 到今有幾多年,
真係數晒十隻手指都唔夠, 大家性格真的是天與地, 當中曾經糖粘豆,
也試過水溝油, 哈哈~誇張少少講就是, 那些恩怨情仇就是抖纏不清,
正因為o甘而藕繼絲連,所以才能保持呢份友誼的存在.

不過講真...呢幾年或者發生太多情, 真的希望呢這幾位老友,
能事事順利, 身體健康, 唔好再將過去的事情影響將來友誼,
尤其大師兄能將心放開一點啦, 多d參與聚會.  

還有就係如果我呢個小師妹有失言而令你地有不快,
希望會寬恕我啦, 會繼續愛錫我呢個小師妹.

最後多謝最錫我既三師兄請食飯

heheee 舊圖一幅, 很久沒合照, 幾時再合照呢 ?